ოქტომბერში საქართველოს ეკონომიკა 6%-ით გაიზარდა – საქსტატი
- ეკოლოგია
- ნოემბერი 28, 2025
- 27
საქართველოს სტატისტიკის ეროვნული სამსახურის წინასწარი შეფასებით, 2025 წლის ოქტომბერში რეალური მთლიანი შიდა პროდუქტის ზრდამ, წინა წლის შესაბამის პერიოდთან შედარებით, 6% შეადგინა.
ამასთან, 2025 წლის პირველი ათი თვის (იანვარი-ოქტომბერი) საშუალო ეკონომიკური ზრდის მაჩვენებელი 7.6%-ით განისაზღვრა. მონაცემები აჩვენებს, რომ ზრდის ტემპი შენელებულია.
ოქტომბერში ეკონომიკური ზრდის მიმართულებით ყველაზე მნიშვნელოვანი წვლილი შეიტანეს შემდეგმა დარგებმა:
- ინფორმაცია და კომუნიკაცია.
- ტრანსპორტი და დასაწყობება.
- საფინანსო და სადაზღვევო საქმიანობები.
- უძრავ ქონებასთან დაკავშირებული საქმიანობები.
კლების ტენდენცია დაფიქსირდა შემდეგ სექტორებში:
- მშენებლობა
- სამთომოპოვებითი მრეწველობა.
- ენერგეტიკა.
2025 წლის პირველი ათი თვის მონაცემებით:
| მაჩვენებელი | მოცულობა (მლნ. აშშ დოლარი) | ცვლილება წინა წლის ანალოგიურ პერიოდთან (%) |
| საგარეო სავაჭრო ბრუნვა | 20 831.5 | 8.6 |
| საქონლის ექსპორტი (FOB) | 5 835.9 | 6.8 |
| საქონლის იმპორტი (CIF) | 14 995.7 | 9.3 |
